A Facultade de Ciencias da Educación da Universidade de Santiago de Compostela, en colaboración con Enlata, o seu laboratorio escénico, adicou este ano o seu
proxecto Ad hoc á
violencia obstétrica.
Ademais das pezas teatrais representadas por catro compañías que aceptaron traballar neste proxecto, tiveron lugar relatorios arredor de diferentes aspectos da violencia obstétrica (aleitamento, sexualidade, secuelas psicolóxicas para nai e bebé...).
El Parto es nuestro-O Parto é noso participou na tarde do sábado 11 de abril na mesa redonda “A violencia obstétrica como violencia de xénero” con dúas intervencións:
-A violencia obstétrica e El Parto es nuestro, por Nuria Otero (Vicepresidenta)
-A violencia obstétrica e os grupos de mulleres, por Pili Millán e Tere Carbón (Coordinadoras de El parto es nuestro-O Parto é noso)
Queremos agradecer á comisión organizadora a oportunidade que se nos deu de participar nestas xornadas e a fantástica acollida que nos ofreceron.
Actualización maio 2015:
Desgrazadamente a raíz da participación nas devanditas xornadas, a sexóloga Martina González sufriu un ataque á súa liberdade, sobre o que podedes ler aquí
