Blog Galicia

O pasado sábado 4 de outubro, inaugurouse no bar A Repichoca, a marabillosa exposición fotográfica de Diana Fajardo, “Maternidades”.

Diana Fajardo,  nai e fotógrafa por “paixón, formación e devoción” deleitounos cunha fermosísima selección de fotos sobre o embarazo e o nacemento. Imaxes dunha calidade artística sensacional pero, sobre todo, imaxes cheas de tenrura.

Desde O Parto e Noso tivemos o pracer de acompañala coa celebración dunha mesa redonda baixo o tema “La importancia de nacer. Nacer ‘impronta’”. Durante dúas horas socias da asociación e demais país e nais que se acercaron, puidemos contar e compartir as nosas experiencias persoais acerca da importancia do nacemento e da separación, ou non separación, do bebé e a nai tras o momento do parto.

Co fin do verán e das vacacións estivais,  retomamos as nosas xuntanzas abertas nos grupos locais en Galicia de O Parto é Noso.

Podes vir a compartir a tua experiencia ou a informarte sobre o embarazo, parto, posparto e lactancia.

VIGO

En Vigo temos novidades é que mudamos o lugar de reunión. 

Agora vémonos no:

Centro Cívico de Teis, 

en Camiño Maceiras s/n.

Con moito sitio para aprcar aparcar e ten bo acceso en bus urbán.

As xuntanzas serán os segundos sábados de mes (excepto se coincide con festivo).

-As próximas reunións en Vigo son:

13 de Setembro

11 de Outubro

8  de Novembro

13  de Decembro

*Horario: de 11:00 a 13:30 da mañá

SEMANA MUNDIAL POLO PARTO E NACEMENTO RESPETADOS

Rematou o 2013, voltamos no 2014 coas reunións de O PARTO É NOSO en Galicia.

É por iso que queremos convidar a todas as personas que queiran vir as nosas reunións a fazelo, para falar sobre  embarazo,  parto  e puerperio, do tipo de atención ó parto na nosa comunidade e sobre as opcións de partos que nela temos, tamén falaremos das recomendacións da OMS (Organización Mundial da Saúde) e do Ministerio de Sanidade para o parto, así como  dos nosos dereitos como usuarias do Sistema Nacional de Saúde, e  dos dereitos dos recén nacidos.

O domingo, 15 de decembro do 2013, tivo lugar a reunión de inverno (reunión semestral) das socias de O Parto é Noso – El Parto es Nuestro Galicia.

Á xuntanza acudiron socias dende tódalas provincias galegas, soas ou acompañandas polos seus peques e as súas parellas.

Reencontrámonos socias xa coñecidas e tamén puxemos caras a novas socias, choramos, rimos, compartimos experiencias vitais e, dende logo, un magnífico e estupendo xantar preparado por e para tódalas asistentes.

 Propuxéronse novas iniciativas, consensuáronse ideas, fóronse conformando  actividades para o próximo encontro de Grupos Locais que terá lugar en Santiago de Compostela os vindeiros 29 e 30 de marzo do 2014.

En definitiva, a esencia de O Parto é Noso en estado puro.   

O Tribunal Superior de Xustiza de Andalucía da a razón ao Hospital Costa del Sol a pesares de ter practicado unha episotomía (corte na vaxina) sen consentimento.

Dende O Parto é Noso sumámonos ao sentimento de indignación fronte a sentencia de dito Tribunal, que alega que as decisión das mulleres fronte ao parto son meros “desexos” que en todo caso quedan a criterio dos profesionais sanitarios cumprir ou non, pese a que a Lei recoñece o dereito da paciente a tomar decisións libres e informadas sobre a propia saúde e o seu corpo.

Esto supón que para practicar a episotomía (unha práctica médica con potencial lesivo) é preciso que exista un consentimento previo.