Blog Galicia

A nosa asociación participará con una mesa infomativa este fin de semana na programación Parque das Utopías,  o día 12 venres estaremos con motivo da data de Celebración da Xornada de Xénero, Mulleres e Familias.

Deste xeito visibilizaremos e promocionaremos a nosa asociación e as campañas que levamos a cabo nela.

O evento é gratuito e aberto á cidadanía.  A feira desenvolvese nos arcos do Museo da Ciencia situado no parque de Santa Margarita.

O Parque das Utopías é moito máis ca unha programación

cultural para as familias: é un espazo, no Parque de Santa

Margarida, que convida a que soñemos un futuro mellor,

máis solidario, igualitario e respectuoso, convidándonos a

transformar a nosa realidade máis próxima.

MESA REDONDA “Situación da atención ao embarazo e parto na área sanitaria de Vigo”.

O venres 20 de maio por mor da Semana Mundial do Parto e Nacemento respetados, celebrouse en Vigo unha mesa redonda con diferentes profesionais co obxetivo de analizar a situación actual da atención ao embarazo e parto na área sanitaria de Vigo.

Cada un dos profesionais invitados tivo un tempo para presentar as suas impresións e datos sobre o tema proposto.

Atendendo á chamada internacional que realiza o movemento Nuit Debout, para sair ás rúas e ocupar as prazas o 14 e 15 de maio, o 15M de Ourense quere ofrecer un espazo de encontro a todos os movementos e persoas loitadoras da nosa cidade.

A praza Maior de Ourense converterase no lugar onde escoitaremos as voces daquelas que sosteñen a chama da loita popular e cidadá ao longo de todo o ano. En defensa da lingua, do dereito á vivenda ou da liberdade de expresión.

(imaxe extraída do xornal La Voz de Galicia do día 27/3/2016)

Fai un par de semanas liamos na prensa (La Voz de Galicia, Pontevedra Viva) que o Hospital Comarcal do Barbanza senta precedentes en canto ao parto humanizado,  facilitando o contacto inmediato do bebé con súa nai nada máis nacer, o que tamén coñecemos como pel con pel. Tamén nos Complexos Hospitalarios de Pontevedra e do Salnés levan a cabo esta práctica.

O pasado 23 e 24 de novembro celebráronse as IX Xornadas de Saúde perinatal e reprodutiva nas que se presentaron diversos relatorios para a mellora da atención ao parto normal e tamén para mellorar a comunicación entre os profesionais sanitarios e usuarias do SNSaúde.

 A xornada do 23 foi exclusivamente para persoal sanitario do Servizo Galego de Saúde e outros servizos sanitarios públicos. 

 O 24 inaugurouse a xornada coa intervención de Antonio Fernández-Campa García-Bernardo, xerente do Servizo Galego de Saúde, que sinalou a importancia da comunicación entre paciente e profesional sanitario, e a importancia de cumprir nas salas de parto, na medida que se poida, os plans de parto das mulleres. 

Como cada ano na histórica cidade de Santiago de Compostela vanse celebrar as IX Xornadas de Saúde Perinatal. Este ano serán nas datas 23 e 24 de novembro; estas Xornadas están dirixidas ao personal sanitario do Servizo Galego de Saúde do ambito da saúde materno infantil, ainda que se reservan prazas para persoal non sanitario pertencente a asociacións tanto de lactancia materna como de crianza.

O día 23 estará dirixida a obradoiros relativos a cuidados do neonato e a familia, solo pelviano ou dificuldades de succión.

O día 24 estará mais orientado a charlas dirixidas por profesionáis e ao debate no que participarán varias asociacións. 

Dende O Parto é Noso- El Parto es Nuestro estamos expectantes ante o próximo traslado dos diferentes servizos sanitarios especializados relacionados coa atención ao embarazo, parto e nacemento (xinecoloxía, obstetricia, neonatoloxía- pediatría) ao novo hospital Álvaro Cunqueiro en Vigo. Tememos que pese a ser unha oportunidade excelente para cambiar certas formas de actuación e protocolos obsoletos e abandonar infraestruturas pouco “amigábeis” co parto, as cousas pouco van cambiar e mesmo, sospeitamos que podan ir a peor. 

Non o soltes. Non te separes do teu bebé. Sosteno sobre ti, a carón do teu peito, rozando a súa pel coa túa pel.

Úleo, tócao, respírao, deixa que esperte en ti o instinto.

Non tes que deixalo no berce para que aprenda, agora precisades estar preto. Ese berce trampa* que en canto te descoidas, xiran e se levan ao teu bebé para bañalo e perfumalo. E ti que querías ser a primeira en facelo.

Non permitas que o leven, ningunha proba rutineira xustifica separalo de ti ou que non esteas presente. Non deixes que o afasten de ti e lle ofrezan soro glicosado porque choraba desconsolado na túa ausencia.

Non permitas que che digan que é bo que chore e que ti es egoísta por non querer que todo o mundo colla ao teu bebé.